Սողոմոնյանը հերքել է ուկրաինացիների պատճառով ռուսական ակումբների հետ խաղալուց հրաժարվելու լուրերը
«Փյունիկի» նախագահ Արթուր Սողոմոնյանը հերքել է ուկրաինացիների պատճառով ռուսական ակումբների հետ խաղերից հրաժարվելու մասին լուրերը։ Գրում է Armsport-ը։
««Փյունիկի»՝ ուկրաինացիների պատճառով ռուսական ակումբների հետ խաղալուց հրաժարվելը բամբասանք է։ Դրանք ճիշտ չեն։ Հիմա, ընդհակառակը, բանակցում ենք հավաքի ավարտին Ռուսաստանի թիմերի հետ հանդիպումներ անցկացնելու շուրջ։ Սկզբում կային որոշ անհամապատասխանություններ, բայց այդ տեղեկությունը ճիշտ չէ։ Ես չգիտեմ, թե որտեղից է սա եկել: Մենք կարծում ենք, որ սպորտը քաղաքականությունից դուրս է, և Ռուսաստանի հետ կապերն ամենաուժեղն են։ Մեր ֆուտբոլիստը վերջերս է տեղափոխվել «Սոչի», իսկ մենք Ռուսաստան ենք գալիս մանկական մրցաշարերի։ Ես ռուսաստանցի գործարար եմ։ Հետևաբար, հաստատ նման հարցեր չկան։
Ես չեմ հանդիպումները կազմակերպում։ Սկզբում մենք որոշ տեղերում պատրաստ չէինք, հետո որոշ տեղերում այդ ռուսական ակումբները։ Ստանդարտ պատմություն է։ Ուսումնամարզական հավաքներին շատ թիմեր կան, և բոլորն էլ խնդիրներ կամ վնասվածքներ ունեն: Զուտ տեխնիկական խնդիրներ են, հաստատ ոչ ազգային։ Նախատեսում ենք վերջին խաղերն անցկացնել ռուսական թիմերի հետ։ Եթե «Խիմկիի» և «Օրենբուրգի» հետ ստացվի, հիանալի է»,- ասել է Սողոմոնյանը Championat-ի թղթակից Վլադիմիր Չետվերիկի հետ զրույցում։
