ՏԵՍԱՆՅՈՒԹ. Տղամարդը հարբած վիճակում հարվածում է խանութում կանգնած 4-ամյա երեխային. ՌԴ
ՌԴ Կուրսկի շրջանի Կուրչատով քաղաքում հարբած վիճակում 4-ամյա տղային հարված հասցրած տղամարդն ասել է, որ նրան շփոթել է մանեկենի հետ և, իբր, չի նկատել երեխայի շարժումները: Այս մասին ՌԻԱ Նովոստիին հայտնել են ՌԴ Պետական քննչական վարչությունից:
«Տղամարդը բերման է ենթարկվել ալկոհոլային խմիչքի ազդեցության տակ` հարբած վիճակում։ Առավոտյան նա ցուցմունք է տվել։ Ըստ նրա՝ նա մտածել է, որ հարվածում է մանեկենին։ Բայց չի նկատել, որ երեխան շարժվում է»,– ասել են վարչությունից։
Քննչական կոմիտեից հայտնում են, որ երեխան ենթարկվել է բժիշկների զննության, նա լուրջ վնասվածքներ չի ստացել։ Այժմ տղան ծնողների հետ տանն է։
Միջադեպի տեսանյութում չափահաս տղամարդը մոտենում է երեխային ու բռունցքով հարվածում նրա դեմքին։ Կինը հրում է նրան և երեխային գրկում, այդ պահին վազում է մեկ այլ տղամարդ և հարվածով գետնին տապալում հարձակվողին։ Ոստիկանության տվյալներով՝ պարզվել է, որ նա չորս տարեկան երեխայի հայրն է։
Իրավապահները բերման են ենթարկել տղամարդուն և պարզել, որ նա խմած վիճակում է եղել։ Նրա դեմ քրեական գործ է հարուցվել :
