ԱՄՆ-ի և Մեծ Բրիտանիայի զինված ուժերն առնվազն չորս հարված են հասցրել Եմենի տարածքում «Անսար Ալլահ» (հուսիթներ) ապստամբ շարժման օբյեկտներին։ Այս մասին հայտնել է հուսիթներին պատկանող Al Mansurah հեռուստաալիքը։ Տեղեկությունը փոխանցում է ՏԱՍՍ-ը։

Նրա տեղեկություններով՝ հարձակման է ենթարկվել Հաջա նահանգի Ալ-Ջար շրջանը, որը գտնվում է Կարմիր ծովի ափից մոտ 100 կմ հեռավորության վրա։ Հնարավոր զոհերի, տուժածների և ավերածությունների մասին տեղեկություններ չեն հաղորդվում: