Այսօրվանից ՀՀ քաղաքացիները առանց մուտքի վիզայի և վճարի կարող են մուտք գործել ԱՄԷ
2024 թվականի փետրվարի 1-ից ՀՀ քաղաքացիները կարող են մուտք գործել Դուբայ և ԱՄԷ-ի այլ էմիրություններ՝ առանց վիզայի ընթացակարգերի անհրաժեշտության:
Երկու երկրների միջև կնքված երկկողմ համաձայնագրի շնորհիվ զբոսաշրջիկները կարող են մինչև 90 օր (180 օրվա ընթացքում) մնալ ԱՄԷ-ում՝ առանց մուտքի վիզայի պահանջի:
Հիշեցնենք՝ ավելի վաղ ՀՀ ԱԳՆ-ից տեղեկացրել էին, որ Հայաստանի Հանրապետության և Արաբական Միացյալ էմիրությունների քաղաքացիների համար մուտքի վիզայի պահանջի փոխադարձաբար վերացման մասին արձանագրությունն ուժի մեջ է մտնելու 2024թ. փետրվարի 1-ին։
Այսօրվանից սկսած ՀՀ քաղաքացիները կարող են մուտք գործել, դուրս գալ և տարանցել ԱՄԷ տարածքով առանց մուտքի վիզայի և վճարի։ ՀՀ քաղաքացու անձնագիրը պետք է վավերական լինի նվազագույնը 6 ամիս՝ հաշված ԱՄԷ ժամանելու օրվանից։
