Ալիևը մեղադրել է Ֆրանսիային

«Տարածաշրջանում ապակառուցողական քաղաքականություն վարելով՝ Ֆրանսիան կրակի վրա բենզին է լցնում»: Այս մասին հայտարարել է Ադրբեջանի նախագահ Իլհամ Ալիևը՝ ընդունելով Միջխորհրդարանական միության գլխավոր քարտուղար Մարտին Չունգոնգին։

Ըստ Ադրբջեանի նախագահի՝ պաշտոնական Փարիզը տարածաշրջանում «լարվածության պատճառ է հանդիսանում և հակաադրբեջանական քաղաքականություն է վարում» միջազգային տարբեր կազմակերպություններում և խորհրդարանական մակարդակով։

Նա Ֆրանսիային մեղադրել է այնպիսի քաղաքականություն վարելու համար, որն ուղղված է հարավկովկասյան տարածաշրջանում առաջատար դիրքեր գրավելուն և իր ազդեցության ամրապնդմանը:

Հիշեցնենք, որ Բաքվում Միջխորհրդարանական միության գլխավոր քարտուղար Մարտին Չունգոնի հետ հանդիպման ժամանակ Ադրբեջանի Միլլի Մեջլիսի նախագահ Սահիբա Գաֆարովան հայտարարել է, թե  եվրոպական որոշ երկրներ, մասնավորապես, Ֆրանսիան, չեն ցանկանում խաղաղություն Հարավային Կովկասում։