Ադրբեջանը ցանկանում է երկարաժամկետ խաղաղություն և կայունություն հաստատել․ Գաֆարովա

Ադրբեջանը հարգում է բոլոր երկրների տարածքային ամբողջականությունը և ցանկանում է տարածաշրջանում երկարաժամկետ խաղաղություն և կայունություն հաստատել: Այս մասին Բաքվում Միջխորհրդարանական միության գլխավոր քարտուղար Մարտին Չունգոնի հետ հանդիպման ժամանակ հայտարարել է Ադրբեջանի Միլլի Մեջլիսի նախագահ Սահիբա Գաֆարովան:

Ըստ ադրբեջանական լրատվամիջոցների՝ Ադրբեջանի խորհրդարանի խոսնակը հայտարարել է, որ Բաքուն նաև հանդես է գալիս Երևանի հետ մոտ ապագայում խաղաղության պայմանագրի ստորագրման օգտին։

Վերջինիս խոսքով՝ «եվրոպական որոշ երկրներ, մասնավորապես, Ֆրանսիան, չեն ցանկանում խաղաղություն Հարավային Կովկասում»։

«Փարիզը փորձում է իր նեոգաղութատիրական քաղաքականությունը տարածել նաև այս տարածաշրջանում»,- ասել է Գաֆարովան։