Իրանը միակողմանիորեն չեղարկում է վիզային ռեժիմը 28 երկրների զբոսաշրջիկների համար

Փետրվարի 4-ից Իրանը միակողմանիորեն չեղարկում է վիզային ռեժիմը 28 երկրների, այդ թվում՝ Բելառուսի, Կատարի, Ղրղզստանի, Մեքսիկայի, ԱՄԷ-ի, Սաուդյան Արաբիայի, Սերբիայի, Ուզբեկստանի և Ճապոնիայի հետ։ Այս մասին IRNA-ի թղթակցի հետ զրույցում հայտարարել է փոխարտգործնախարար Ալիռեզա Բիգդելին։

«Արտաքին գործերի նախարարությունը համապատասխան մարմիններին ծանուցել է հաստատված հրամանագրի մասին», – մեջբերում է իրանական գործակալությունը նրա խոսքերը։

Փոխնախարարը հավելել է՝ ելնելով դրանից՝ «այս 28 երկրների քաղաքացիներին, ովքեր Իրան են մեկնում զբոսաշրջության նպատակով, 2024 թվականի փետրվարի 4-ից վիզայի կարիք չունեն»։