«Աշխատավարձս ավելի ցածր է, քան մինչև նախարարի պաշտոնը զբաղեցնելը»․ Վահան Քերոբյան
Հայաստանի քաղաքացիների կյանքն էապես բարելավվել է․ աղքատության ցուցանիշն է կրճատվել, միջին աշխատավարձը կազմում է 208 հազար դրամ։
Այս մասին ԱԺ-ում լրագրողների հետ ճեպազրույցում հայտարարեց Էկոնոմիկայի նախարար Վահան Քերոբյանը։ Բացի այս, նախարարը նաև հայտնեց, որ 1 տարում 370 հազար նոր աշխատատեղ է բացվել։ Քերոբյանն ասաց, որ շարքը շատ է, կարող է թվարկել, ինչքան ուզեք։
Ըստ Վահան Քերոբյանի, սակայն, բոլորը չէ, որ լավ են ապրում, ինքն, օրինակ, ավելի վատ է ապրում, քան մինչև նախարար դառնալը։
«Աշխատավարձս ավելի ցածր է, քան մինչև նախարարի պաշտոնը զբաղեցնելը»,- անկեղծացավ նախկին գործարարը։
