ՏԵՍԱՆՅՈՒԹ. Ուժգին պայթյուն է եղել Մոսկվայի ՋԷԿ-23–ի տարածքում
Մոսկվայի Գոլյանովո թաղամասի ՋԷԿ-23-ի տարածքում ուժգին պայթյուն է եղել, որն ուղեկցվել է լույսի վառ առկայծումով: Այս մասին գրում է SHOT թելեգրամյան ալիքը:
Նշվում է, որ ՋԷԿ-23–ի տարածքում տրանսֆորմատոր է պայթել։ Անմիջապես հետո ականատեսները հայտնել են, որ թանձր սև ծխի սյուն է ձևավորվել։ Այժմ հրդեհի արտաքին նշաններ չկան, փրկարար ծառայության մի քանի մարտական հաշվարկ արդեն տեղում են, սակայն նրանց դեռ թույլ չեն տալիս մտնել տարածք։
Նախնական տեղեկություններով՝ զոհեր և վիրավորներ չկան։
