ՏԵՍԱՆՅՈՒԹ․ Ամենաշատ ձյունը տեղացել էր ֆեյսբուքում․ Ավինյան
Հիմնական ճանապարհների վրա մենք խնդիր չենք ունեցել, երկրորդային ճանապարհների վրա նույնպես խնդիր չենք ունեցել։ Մեր խնդիրները հիմնականում արձանագրվել են մայթերին և միջբակային տարածքներում, որտեղ մինչև հիմա էլ այդ խնդիրը կա։ Այս մասին այսօր Երևանի քաղաքապետարանի հերթական գործակարգավարական նիստի ընթացքում ասաց քաղաքապետ Տիգրան Ավինյանը։
«Էստեղ շատ կարևոր եմ համարում ներգրավել ոլոր ռեսուրսները, որոնք օրենքով և ավագանու որոշումներով նախատեսված են, մասնավորապես՝ մասնավոր սեկտորը, որը նույնպես պարտավոր է այս աշխատանքներին միանալ, պետք է տեղեկացված լինի նվազագույնը։ Կարշում եմ՝ այն, որ միայն մենք այսօր են դրա մասին խոսում և փաստացի ես շատ ակտիվ մասնակցություն մասնավոր սեկտորի կողմից չեմ տեսել, որպես այսպիսին։ Սա նաև մեր խնդիրների շարքում է»,- նշեց Ավինյանը։
Ըստ նրա՝ գուցե տուգանքի չափն է նվազ։
«Հասկանում եմ նաև, որ միգուցե տուգանքի չափն է նվազ, բայց այստեղ կարելի է գործընկերային տրամաբանությամբ գնալ։ Ես խնդրում եմ բոլոր վարչական շրջաններին այսօր բոլորին համապատասխան անձնակազմին ուղարկել։ Մայթերի մաքրման պատասխանատվությունը ֆիքսել, որ բոլոր այն տնտեսվարողներինն է, ովքեր էդտեղ որոշակի գործունեություն են ծավալում»,- ասաց նա։
Ավինյանը նշեց նաև, թե որն է հիմնական խնդիրը․
«Մեր խնդիրը շարունակում է մնալ բակային հատվածները, մայթերը, և, իհարկե, ամենամեծ խնդիրը՝ ամենաշատ ձյունը տեղացել էր ֆեյսբուքում»,- հավելեց քաղաքապետը։
