Գազայի հատվածում իսրայելական հարվածների հետևանքով զոհվածների թիվը հասել է 25900-ի, իսկ վիրավորներինը՝ 64,110-ի, հայտարարել է Պաղեստինի առողջապահության նախարարության խոսնակ Աշրաֆ ալ-Կուդրա անկլավում, գրում է РИА Новости-ն։

 «Հոկտեմբերի 7-ից Իսրայելի ագրեսիայի զոհերի թիվը հասել է 25900-ի, վիրավորվել է 64110-ը»,- ասել է ալ-Կուդրան Telegram-ի իր ալիքում։

 Իսրայելը հոկտեմբերի 7-ին ենթարկվել է աննախադեպ մասշտաբի հրթիռային հարձակման Գազայի հատվածից՝ «Ալ-Աքսա ջրհեղեղ» գործողության շրջանակներում, որը հայտարարել է պաղեստինյան ՀԱՄԱՍ շարժման ռազմական թևը։ Դրանից հետո կազմակերպության մարտիկները մտել են հարավային Իսրայելի սահմանային շրջաններ, որտեղ կրակ են բացել ինչպես զինվորականների, այնպես էլ քաղաքացիական անձանց վրա, ինչպես նաև ավելի քան 200 պատանդ վերցրել։ Իսրայելում, ըստ իշխանությունների վերջին տվյալների, զոհվել է մոտ 1,2 հազար մարդ, այս թիվը ներառում է խաղաղ բնակիչներ, զինվորականներ, օտարերկրյա քաղաքացիներ և բանվորներ, ինչպես նաև հաղորդվել է ավելի քան 5 հազար վիրավորի մասին։