ՏԵՍԱՆՅՈՒԹ․ Հարավային Կորեայում պատգամավորը փորձել է խոսել նախագահի հետ. թիկնապահները փակել են նրա բերանը և դուրս հանել շենքից
Հարավային Կորեայում Հյուսիսային Չոլլա հատուկ ինքնակառավարման նահանգի գործարկման արարողության ժամանակ նախագահ Յուն Սոկ Յոլի թիկնապահները բռնել են «Առաջադիմական կուսակցության» պատգամավոր Կան Սոն Հիին, որը հրաժարվել է ազատ արձակել պետության ղեկավարի ձեռքը ձեռքսեղմումից հետո: Այս մասին հայտնում է mk.ru-ն։
Պատգամավորի բերանը փակել են և ձեռքերից ու ոտքերից բռնած՝ բռնի ուժով դուրս հանել դահլիճից։ Կանը պնդում է, որ խնդրել է նախագահին «փոխել մոտեցումը հանրային քաղաքականության նկատմամբ»:
Նախագահի աշխատակազմում անվտանգության աշխատակիցների գործողությունները տեղին են համարել՝ հայտարարելով, որ Կանը բղավել է եւ ձեռքը բաց չի թողել՝ չնայած բազմաթիվ պահանջներին։ Այդ գործողությունները գնահատվել են որպես սպառնալիք նախագահի անվտանգության համար:
