ՏԵՍԱՆՅՈՒԹ․Մեր իշխանության քաղաքական խնդիրը ոչ թե փող լափելն է, այլ գործը նորմալ անելն է․ Ալեքսանյան

Վերջին օրերին, նույնիսկ այս ամբիոնից, հեգնական բան է հնչում՝ գնացեք կախիչ ու խողովակ ստուգեք, պետական կառավարման հետ գործ չունեք։ Այս մասին ԱԺ հայտարարությունների ժամին ասաց «Քաղաքացիական պայմանագիր» խմբակցության պատգամավոր Վահագն Ալեքսանյանը։

«Սա գիտեք ինչի համար է հնչում, հնչում է այն պատճառով, որ 2021 թ-ին մենք խոստացել ենք հիմնանորոգել կամ կառուցել 300 դպրոց ու 500 մանկապարտեզ, խոստացել ենք ու անում ենք, դրանով ենք զբաղված։ Այն համայքները, որտեղ տարիներ շարունակ դպրոցի փոխարեն ինչ-որ գոմ հիշեցնող սենյակ է եղել, այդ սենյակի փոխարեն ամբողջական դպրոցներ ենք կառուցում։ Այն համայնքները, որտեղ մանկապարտեզ բառը ֆիլմից տեսարաններ են հիշեցրել, այդտեղ մանկապարտեզ ենք կառուցում, համայնքներ կան, որտեղ մարդիկ 30 տարի ջուր չեն ունեցել, գնացել են դույլով կողքի գյուղից են ջուր բերել, այնտեղ խողովակ ենք անցկացնում, դրա համար են ասում՝ գնացեք կախիչ ու խողովակ ստուգեք»,- ասաց նա։

Ալեքսանյանը նշեց, որ իշխանության քաղաքական խնդիրը գործը նորմալ անելն է։

«Մեր իշխանության քաղաքական խնդիրը, ի տարբերություն ընդդիմադիր երկու քաղաքական ուժերի, ոչ թե փող լափելն է, այլ գործը նորմալ անելն է։ Մենք խոստացել ենք կառուցել դպրոց, մենք կառուցում ենք դպրոց, այնտեղ լինում է թերություն, այդ թերությունը գտնում ենք։ Այս ամենի մեջ մի հարց է մնում ընդամենը, սիրելի ընդդիմություն, դուք ինչի՞ համար եք, երեքշաբթի օրերը պաթոսախեղդ, ոչինչ չասող ելույթների՞»,- նշեց պատգամավորը։