ՏԵՍԱՆՅՈՒԹ․ Թբիլիսյան խճուղին կմիանա Եղվարդի խճուղուն, փոխարենը չի կառուցվի «Հայրենիք» կինոթատրոնի տրանսպորտային հանգույցը
Մենք ներդրումային կոմիտեի նիստում հավանություն տվեցինք Թբիլիսյան խճուղին Եղվարդի խճուղուն միացնելու նախագծին: Այս մասին այսօր կառավարության նիստում հայտարարեց ՀՀ վարչապետ Նիկոլ Փաշինյանը:
«Տեխնիկատնտեսական ուսումնասիրությունը կասի, թե որ տարբերակով դա անենք, որովհետեւ կամրջի տարբերակ կա, կամրջի մի քանի տարբերակ կա, ոչ կամրջային տարբերակ կա:
Մենք ոչ պարտադիր հոսքեր մտցնում ենք Երեւան, հետո մտածում ենք, թե այդ հոսքերը ոնց կառավարենք: Մինչդեռ, ենթադրենք, Դիլիջանից Արտաշատ գնացող բեռնատարը, եւ ոչ միայն բեռնատարը մտցնում ենք Երեւան, որովհետեւ ուրիշ տարբերակ չկա, հետո ասում ենք՝ բա հիմա ոնց էս բեռնատարը բարեհաջող Երեւանից հանենք, որ խցանումներ չլինեն: Այս ընթացքում մենք մտածել ենք եւ նույնիսկ հայտարարել ենք Երեւանի տարբեր հատվածներում տարբեր տրանսպորտային հանգույցներ ձեւավորելու մասին: Բայց երբ ավելի խորը վերլուծում ենք, տեսնում ենք, որ այդ տրանսպորտային հանգույցները խնդիրը չեն լուծում, մանավանդ մեծացող հոսքի պայմաններում»,-ասաց Փաշինյանը:
Մանրամասները՝ տեսանյութում։
