Ինչու Իսրայելի ընդհանուր անվտանգության ծառայության ղեկավարը հրաժարական կտա հակամարտության ավարտից հետո

Իսրայելի ընդհանուր անվտանգության ծառայության (ՇԱԲԱԿ) ղեկավար Ռոնեն Բարը հրաժարական կտա պաղեստինա-իսրայելական հակամարտության ավարտից անմիջապես հետո: Այս մասին The Times of Israel պարբերականին հայտնել է Շաբակի նախկին ղեկավար Յակով Փերին։

Փերին հայտարարել է, որ անձամբ է խոսել Բարի հետ, և նա հայտնել է Շաբակի ղեկավարի պաշտոնից հրաժարական տալու մտադրության մասին՝ իսրայելական հետախուզության մի շարք խոշոր սխալների պատճառով, որոնք հանգեցրին պատերազմի:

«Ես կոնկրետ խոսել եմ նրա հետ այն մասին, թե ինչ է սպասվում և չեմ կասկածում, որ նա առաջիններից մեկն է լինելու, ով կհանձնի բանալիները... Նրա մտադրությունն է հեռանալ այս պաշտոնից», - ասել է Փերին: