Ինչու է Լեհաստանն իր ինքնաթիռներն օդ բարձրացրել

Լեհաստանի զինված ուժերի (ԶՈւ) օպերատիվ հրամանատարությունը բնակչությանը տեղեկացրել է հանրապետության և նրա դաշնակիցների ռազմական ինքնաթիռների թռիչքների մասին Ուկրաինայի հետ սահմանի մոտ՝ ռուսական ավիացիայի ակտիվության պատճառով։ Այս մասին տեղեկանում ենք ՏԱՍՍ-ից:

Ինչպես հայտնում է գերատեսչությունը X (նախկին Twitter) իր էջում, Լեհաստանի զինված ուժերն արձանագրել են «Ռուսաստանի Դաշնության հեռահար ավիացիայի ակտիվության աճ՝ կապված Ուկրաինայի տարածքը հարվածելու մտադրության հետ»։

«Այս համատեքստում որոշում է կայացվել ուժեղացնել լեհական և դաշնակիցների ավիացիան՝ Լեհաստանի օդային տարածքի անվտանգությունն ապահովելու համար», -պարզաբանել է հրամանատարությունը։