Գերմանիան ռազմանավ կուղարկի Կարմիր ծով՝ պաշտպանվելու հուսիթների հարձակումներից. Welt
Գերմանիան ծրագրում է փետրվարի 1-ին ուղարկել «Հեսսեն» ֆրեգատը (ռազմական նավի տեսակ) Կարմիր ծով, ինչպես նաև ռազմական ուժ կիրառել` հուսիթական Անսար Ալլահ շարժման հրթիռներն ու անօդաչու թռչող սարքերը որսալու համար՝ Եվրամիության պլանավորված ռազմածովային գործողության շրջանակներում: Այս մասին հայտնում է Welt-ը։
Գերմանական նավատորմի նավն ունի ռադարային հետախուզական հնարավորություններ, որոնք կարող են միաժամանակ հայտնաբերել 1000 թիրախ, զենիթային հրթիռներ, ինչպես նաև զինված է հարվածային ուղղաթիռներով։
Հրատարակության տվյալներով՝ վերջին շրջանում ֆրեգատը վեց ամիս անցկացրել է Հյուսիսային ծովում ՆԱՏՕ-ի առաքելություններում և ներգրավվել Արկտիկայում վարժանքներում։
Հիշեցնենք` հունվարի 12-ի գիշերը ԱՄՆ-ը և Մեծ Բրիտանիան հարվածներ են հասցրել Եմենին: Մեկ օր անց ԱՄՆ-ը երկրորդ հարվածն է հասցրել:
