Ֆրանսիան երկարաժամկետ կաջակցի Ուկրաինային. ԱԳՆ
Ֆրանսիայի արտաքին գործերի նոր ղեկավար Ստեֆան Սեժուրնեն այս պաշտոնը ստանձնելուց հետո առաջին այցով ժամանել է Ուկրաինա և խոստացել Կիևին շարունակել աջակցությունը Փարիզից, հաղորդել է BFMTV հեռուստաալիքը:
Երեկ հաղորդվել էր, որ Սեժուրնեն մեկնել է Լեհաստան, որտեղից ավելի ուշ կմեկնի Կիև։ Այցը խորհրդանշական է և նպատակ ունի «հաստատել Ֆրանսիայի և Եվրոպայի աջակցությունն ու պարտավորությունները Ուկրաինայի հանդեպ»։
«Ես եկել եմ այստեղ՝ հայտարարելու, որ Ֆրանսիան երկարաժամկետ կաջակցի Ուկրաինային տնտեսական, ռազմական և հումանիտար առումներով»,- նախարարի խոսքերն է մեջբերում հեռուստաալիքը:
Վլադիմիր Զելենսկիի հետ ծրագրված հանդիպումից առաջ Սեժուրնեն ասել է, որ Ֆրանսիայի ներկայացուցիչները «մի շարք այցեր» կանեն՝ հասկանալու համար, թե «ինչ է պետք այսօր ուկրաինացիներին»:
