ԱՄՆ–ն չի աջակցում Թայվանի անկախությանը. Բայդեն
ԱՄՆ նախագահ Ջո Բայդենն ասել է, որ ԱՄՆ-ն չի աջակցում Թայվանի անկախությանը։ Կղզում անցկացված քվեարկության մեկնարկից ժամեր առաջ Վաշինգտոնը նախազգուշացրել է, որ ընտրություններին «ցանկացած» երկրի միջամտությունն «անընդունելի է», գրում է Reuters-ը։
«ԱՄՆ-ն Թայվանի զենքի ամենակարևոր հովանավորն ու մատակարարն է չնայած պաշտոնական դիվանագիտական հարաբերությունների բացակայությանը: Բայդենի վարչակազմը մտավախություն ունի, որ ընտրությունները, անցումային շրջանը և նոր վարչակազմը կհանգեցնեն Պեկինի հետ հակամարտության սրման»,- ասվում է նյութում։
Ավելի վաղ հայտնի էր դարձել, որ Թայվանում իշխանության է եկել Թայվանի իշխող Դեմոկրատական առաջադիմական կուսակցությունից նախագահի թեկնածու Լայ Ցինդեն։ Նա մերժել է իրեն հեռացնելու Չինաստանի ճնշումը և խոստացել դիմագրավել Պեկինին:
