Եմենում իրավիճակի սրացումից հետո նավթի գներն աճել են

Եմենում իրավիճակի սրացումից հետո Brent տեսակի նավթի գներն աճել են 2%-ով՝ հասնելով 78,94 դոլարի՝ մեկ բարելի համար (+ 1,54 դոլար): Այս մասին հայտնում է Reuters-ը։

ԱՄՆ West Texas Intermediate անմշակ նավթի ֆյուչերսներն աճել են 2,1%-ով՝ հասնելով 73,55 դոլարի՝ մեկ բարելի համար (+ 1,53 դոլար): Բազային ինդեքսների արժեքը, ինչպես ավելացնում է Reuters-ը, նախորդ օրվա համեմատ աճել է գրեթե 1%-ով։

Ուրբաթ գիշեր Միացյալ Նահանգները և Մեծ Բրիտանիան հարվածներ են հասցրել Եմենի հութիների թիրախներին՝ ի պատասխան Կարմիր ծովում միջազգային նավերի վրա նրանց հարձակումներին:

Ավելի վաղ ԱՄՆ նախագահ Ջո Բայդենը և Մեծ Բրիտանիայի վարչապետ Ռիշի Սունակը հայտնել էին, որ ԱՄՆ-ի և Մեծ Բրիտանիայի զինված ուժերը ավիահարվածներ են հասցրել Եմենում հութիների դիրքերին։ Հարձակմանը, ըստ Բայդենի, աջակցել են Ավստրալիան, Բահրեյնը, Կանադան և Նիդեռլանդները։ 2023-ի վերջին Կարմիր ծովում միջազգային նավերի գնդակոծությունն ավելացել է Գազայի հատվածում հակամարտության ֆոնին։ Եմենի ՀԱՄԱՍ-ի կողմից աջակցվող հութիները հարվածներ են հասցնում Իսրայելի հետ կապ ունեցող նավերին: