ԱՄՆ-ն կարող է նոր հարվածներ հասցնել. ԶԼՄ

Անհրաժեշտության դեպքում ԱՄՆ-ն կարող է նոր հարվածներ հասցնել հուսիթներին՝ Իրանի կողմից աջակցվող շիա շարժմանը, որը կառավարում է հյուսիսային և կենտրոնական Եմենը: Այս մասին ՌԻԱ Նովոստիի փոխանցմամբ` հայտնում է Axios-ը՝ վկայակոչելով երկու անանուն ամերիկացի պաշտոնյաների:

«Միացյալ Նահանգներն ակնկալում է, որ հուսիթները կպատասխանեն, և չնայած նրանք չեն ձգտում էսկալացիայի, ամերիկյան ուժերը տարածաշրջանում պատրաստ են պաշտպանել իրենց և անհրաժեշտության դեպքում նոր հարվածներ հասցնել», - մեջբերում է հրատարակությունը պաշտոնյաների խոսքերը։

Հիշեցնենք` ավելի վաղ հայտնել էինք, որ ԱՄՆ-ը և Մեծ Բրիտանիան գիշերը հարվածներ են հասցրել Եմենի հուսիթների ուղղությամբ: