Բլինքենն ուրվագծել է Գազայի հատվածում խնդրի կարգավորման տարբերակը
ԱՄՆ պետքարտուղար Էնթոնի Բլինքենը երեքշաբթի Իսրայելում կայացած բանակցությունների ժամանակ ուրվագծել է Մերձավոր Արևելքի ճգնաժամի հնարավոր լուծումը։ Նախաձեռնությունը ենթադրում է Գազայի հատվածում ռազմական գործողությունների ավարտ, անկլավի վրա պաղեստինյան վերահսկողության վերականգնում, ինչպես նաև արաբական երկրների և Իսրայելի միջև հարաբերությունների կարգավորման շուրջ բանակցությունների վերսկսում, գրում է kommersant.ru-ն։
Բլինքենը, ի թիվս այլ բաների, վստահեցրել է, որ Սաուդյան Արաբիան պատրաստ է վերադառնալ հրեական պետության ճանաչման շուրջ բանակցություններին։ Բայց դա պահանջում է, որ Իսրայելը դադարեցնի իր ռազմական արշավը և հիմք դնի ապագա Պաղեստին պետության համար։
