Հորդանանի թագավորը՝ Գազայի հատվածում աղետալի հետևանքների մասին
Հորդանանի թագավոր Աբդալլահ Երկրորդը ԱՄՆ պետքարտուղար Անտոնի Բլինկենի հետ հանդիպմանը խոսել է Գազայի հատվածում Իսրայելի շարունակվող ագրեսիայի աղետալի հետեւանքների մասին: Այս մասին ՌԻԱ Նովոստիի փոխանցմամբ՝ հայտնում է հորդանանյան Petra գործակալությունը։
«Հորդանանի թագավոր Աբդալլահ Երկրորդը կիրակի օրը ԱՄՆ պետքարտուղար Անտոնի Բլինկենի հետ հանդիպման ժամանակ նախազգուշացրել է Գազայի հատվածի դեմ շարունակվող ագրեսիայի աղետալի հետեւանքների մասին՝ ընդգծելով Գազայի հատվածում ողբերգական հումանիտար ճգնաժամին վերջ տալու անհրաժեշտությունը»,-հաղորդում է գործակալությունը։
Ըստ գործակալության, զրույցի ընթացքում Հորդանանի միապետը «վերահաստատել է ԱՄՆ-ի դերի կարևորությունը Գազայի հատվածում անհապաղ հրադադարի հաստատման, խաղաղ բնակիչներին պաշտպանելու և պաղեստինյան անկլավին մարդասիրական և բժշկական օգնության տրամադրման ապահովման գործում»:
