Աշխարհի ամենաթանկարժեք ֆուտբոլային ակումբների ցանկը՝ ըստ Forbes-ի

Forbes ամսագիրը կազմել և հրապարակել է աշխարհի ամենաթանկ ֆուտբոլային ակումբների ցուցակը։ Թիմերը գնահատվել են ենթակառուցվածքների, կազմի և սպորտային շուկայում կոմերցիոն կարգավիճակի հիման վրա:

Առաջին տեղը զբաղեցրել է Մադրիդի «Ռեալը», որի արժեքը, ըստ փորձագետների, կազմում է 5 միլիարդ 490 միլիոն եվրո, երկրորդ տեղում «Մանչեսթեր Յունայթեդն» է։ Չնայած ակումբի իրական ճգնաժամին, նրա արժեքը դեռևս բարձր է և կազմում է 5 միլիարդ 427 միլիոն եվրո, իսկ լավագույն եռյակը եզրափակում է «Բարսելոնան»՝ 4 միլիարդ 984 միլիոն եվրո:

Թոփ-10 ակումբների մեծ մասը Պրեմիեր լիգայից են, մինչդեռ Ա Սերիայից ոչ մի թիմ ընդգրկված չէ այս վարկանիշում: