Հյուսիսային Իրաքում գտնվող ամերիկյան բազան ենթարկվել է ԱԹՍ–ով հարձակման

Իրաքի Էրբիլ քաղաքի շրջակայքում գտնվող Հարիր ռազմաբազան, որտեղ տեղակայված են ամերիկյան և միջազգային ուժերը, հարձակման է ենթարկվել անօդաչու թռչող սարքի միջոցով։ Այս մասին հայտնում է Shafaq News տեղեկատվական պորտալը՝ հղում անելով իրավապահ մարմինների աղբյուրին։

Նշվում է, որ հենակետի տարածքում պայթյունի ձայն է լսվել և ծխի սյուներ են երևացել: Հարձակման հետեւանքների մասին տեղեկություն չի հաղորդվում։

Ավելի վաղ շիա աշխարհազորայինները իրենց թելեգրամյան ալիքում տարածած հայտարարության մեջ զգուշացրել էին Միացյալ Նահանգներին, որ իրենք կավելացնեն զինված գործողությունների թիվը Սիրիայում և Իրաքում, քանի որ «Վաշինգտոնը շարունակում է ռազմական օգնություն տրամադրել իսրայելական բանակին, որը Գազայի հատվածում և Հարավային Լիբանանում սպանում է խաղաղ բնակիչների»։