ԱՄՆ-ն այլևս միջոցներ չունի Ուկրաինային աջակցելու համար. Ջոն Քիրբի

ԱՄՆ-ն այլևս միջոցներ չունի Ուկրաինային հետագա աջակցության համար, օգնության նոր փաթեթները կպահանջեն Կոնգրեսի կողմից նոր ֆինանսավորման հաստատում: Այս մասին ասել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին, փոխանցում է ՌԻԱ Նովոստին:

«Նախագահը ստորագրեց վերջին փաթեթը, որի համար ունեինք ֆինանսավորում: Մեզ անհրաժեշտ է հաստատում լրացուցիչ միջոցների համար, որպեսզի կարողանանք շարունակել աջակցություն ցուցաբերել Ուկրաինային», - ասել է Քիրբին:

Վերջինս նաև նշել է, որ մինչ օրս օգնության վերջին փաթեթը, որը ստորագրվել է նախագահ Ջո Բայդենի կողմից դեկտեմբերի 27-ին, դեռ ամբողջությամբ չի հանձնվել Ուկրաինային, ինչը կարող է տևել շաբաթներ: