Արտասովոր մթնոլորտային երևույթ` Մոսկվայի երկնքում
Մոսկվայի երկնքում անսովոր մթնոլորտային երևույթ է նկատվել՝ սառցե ասեղներ։ Այս մասին իր Telegram ալիքում հայտնել է Ֆոբոս եղանակային կենտրոնի առաջատար մասնագետ Եվգենի Տիշկովեցը։ Տեղեկությունը փոխանցում է moslenta.ru-ն:
«Սառցե ասեղները պինդ տեղումներ են օդում լողացող փոքրիկ սառցե բյուրեղների տեսքով, որոնք ձևավորվում են շատ ցուրտ եղանակին», - բացատրել է օդերևութաբանը:
Դոմոդեդովո, Շերեմետևո և Չերուստի օդերևութաբանական կայաններում հազվագյուտ երեւույթ է նկատվել։ Երբեմն սառցե ասեղները լուսավոր «սյուներ» են կազմում գիշերային երկնքում, նշել է օդերեւութաբանը։
