Ուկրաինական Су-24 է կործանվել. զոհեր կան

Ուկրաինական լրատվամիջոցները հաստատել են Խմելնիցկիի մարզում ռազմական ինքնաթիռի կործանումը։

Ավելի վաղ «Киев24» հեռուստաալիքը հայտնել էր Խմելնիցկիի մարզում հզոր պայթյունի մասին՝ նշելով, որ նախնական տվյալներով տեղի է ունեցել ավիավթար։

Ուկրաինական գործակալությունն իր Telegram-ի ալիքում գրել էր, որ, հավանաբար, կործանվել է ՄիԳ-29 կործանիչ։

Իսկ РБК-Украина-ն, հղում անելով իր աղբյուրներին, հայտնել է, որ Խմելնիցկիի մարզում վթարի է ենթարկվել ռազմական ինքնաթիռ։

Ուկրաինայի ռազմաօդային ուժերը ավելի ուշ հաստատել են Խմելնիցկիի մարզում Су-24Մ ինքնաթիռի կործանման փաստը։

Գերատեսչության հաղորդմամբ՝ մարտական առաջադրանք կատարելիս զոհվել են անձնակազմի երկու անդամները՝ օդաչուն և շտուրմանը։

Ուկրաինայի ՌՕՈւ-ն հայտնել է նաև, որ վթարի հետևանքով կորցրել է մարտական ինքնաթիռը։
Խմելնիցկիի մարզը գտնվում է Ուկրաինայի արևմուտքում։ Տարածաշրջանում տեղակայված է Ստարոկոնստանտինովի ռազմական օդանավակայանը, որտեղ բազավորված են նաև F-16 կործանիչներ։