Իրանը բողոքի նոտա է հղել Ռուսաստանին
Թեհրանում Ռուսաստանի գործերի ժամանակավոր հավատարմատարը կանչվել է Իրանի արտաքին գործերի նախարարություն եւ համապատասխան գրություն է հանձնվել։ Այս մասին տեղեկանում ենք IRNA գործակալությունից։
«Ռուս դիվանագետին շաբաթ երեկոյան կանչել է Թեհրանում արտաքին գործերի նախարարության Պարսից ծոցի դեպարտամենտի գլխավոր տնօրենի օգնականը, և Իրանի Իսլամական Հանրապետության կառավարությունը վճռական բողոք է հայտնել վերջերս Մարոկկոյում տեղի ունեցած ռուս-արաբական համագործակցության 6-րդ համաժողովի հայտարարության մեջ պարունակվող անհիմն պնդումներին Ռուսաստանի կառավարության աջակցության դեմ։ Ռուսաստանյան կողմին բողոքի նամակ է ուղարկվել»,- հայտնել են Իրանի ԱԳՆ-ից։
Նշվում է, որ Թեհրանը դժգոհ է Մարոկկոյում կայացած ռուս-արաբական համագործակցության VI խորհրդի հայտարարության մեջ Աբու Մուսա, Փոքր և Մեծ Թոմբ կղզիների անունների ընդգրկումից։
Իրանը պնդում է, որ Պարսից ծոցում գտնվող այս կղզիները պատկանում են իրեն։
