Քասախում անհայտ պատճառներով հեռացվել են աղբարկղերը, գոյացել է մեծ աղբակույտ. ինչ են մանրմասնում համայնքապետարանից
Կոտայքի մարզի Նաիրի (Եղվարդ) խոշորացված համայնքի Քասախ գյուղում «Կարմիր Խաչի» կազմակերպության հարակից տարածքից անհասկանալի պատճառով հեռացվել են աղբարկղերը, որոնք արդեն մեկ ամսից ավելի է՝ չեն վերադարձվում․ այս մասին ԷկոԼուրին ահազանգել են քաղաքացիները:
«Աղբը կուտակվում է, ցրվում տարածքով մեկ, այն տարածում են շները, մարդիկ աղբը նետելու տեղ չունեն», - նշել է բնակիչներից մեկը։
Քաղաքացին հայտնել է, որ դեռևս 6 ամիս առաջ դիմում է ներկայացրել Երևանի քաղաքապետարան՝ աղբահանության առանձին տարաներ մատակարարելու խնդրանքով: «Պատասխան եմ ստացել, որ կլուծեն իմ խնդիրը, սակայն որևէ քայլ չի ձեռնարկվել»,- նշել է նա։
Տեղեկությունը ճշտելու համար Auroranews-ը կապ հաստատեց Եղվարդի համայնքապետարան: Այնտեղից մեզ ասացին. «Նաիրի համայնքապետարանը տեղյակ է հիմախնդրից և ժամանկին ու ներկյաում էլ պարբերաբար կատարվում է սանիտարական աշխատանքներ: Այս փուլում էլ համայնքապետարանն արդեն 2-րդ անգամ է հայտարարում մրցույթ` աղբատար մեքենա ձեռք բերելու համար, որպեսզի նշված հատվածում աղբահանությունը էլ ավելի լավը դառնա: Հաշվի առնելով ահազնագերն ու բողոքներն ավելի հետևողական ենք լինելու, ինչպես մեքենայի ձեռք բերմանն, այնպես էլ մաքրման աշխատանքներին»:
