Երեխաներին տանում, սար ենք ցույց տալիս, ասում՝ սա Արտաշատ մայրաքաղաքն է եղել. Փաշինյան
Արտաշատ պատմական մայրաքաղաքի պահպանված, տեսանելի հատվածը գտնվում է փշալարերից այնկողմ։ Ամիսներ առաջ ես այցելեցի և ինձ մոտ հարց առաջացավ, թե ինչու Հայաստանի զբոսաշրջիկները, քաղաքացիները, դպրոցականները պետք է հասանելիություն չունենան մեր պատմական մայրաքաղաքին։ Այս մասին կառավարության նիստին ասաց վարչապետ Նիկոլ Փաշինյանը։
«Այն տարածքները, որտեղ մեր երեխաներին տանում ենք էքսկուրսիա որպես Արտաշատ պատմական մայրաքաղաք, այնտեղ ըստ էության ոչինչ չկա։ Ցույց ենք տալիս սարը, ասում ենք՝ երեխաներ սա Արտաշատ մայրաքաղաքն է, յոթ բլուրներից մեկն է։ Բայց փշալարերից այնկողմ շատ պահպանված շինություններ կան։ Վերջերս հանձնարարական տվեցի ԱԱԾ-ին, ԿԳՄՍՆ-ին, որպեսզի հասանելիություն ապահովենք, որովհետև պատերից երևում է, որ այնտեղ ունենք նաև պահպանման խնդիր։ Մայրաքաղաք ասելիս պետք է տանենք տեսանելին ցույց տանք, մանավանդ, որ տեսանելի ու պահպանված շատ բան կա»,- ասաց նա։
