ՏԵՍԱՆՅՈՒԹ. «Ես ասում եմ՝ դուք ինչ պետք է անեք, քանի որ մասնավոր սեկտորը լավ գիտեմ». Սուքիասյանը՝ Քերոբյանին

ԱԺ տարածաշրջանային եվրասիական ինտեգրման հարցերի մշտական հանձնաժողովի նիստում ՔՊ խմբակցության պատգամավոր Խաչատուր Սուքիասյանը հարց ուղղեց ՀՀ էկոնոմիկայի նախարար Վահան Քերոբյանին.

«Վերջին 4 տարում աջակցությունը տեղական արտադրողին մեր ՀՆԱ-ում ի՞նչ տոկոս է կազմում, ՀՀ-ում հավելյալ արժեք ստեղծող արտադրանքը, որն արտահանվում է ԵԱՏՄ շուկա, ի՞նչ տեսակարար կշիռ ունի մեր արտահանվող արտադրանքի սամաններում»:

Վահան Քերոբյանն ասաց, որ շատ սերտ աշխատում են թե՛ դեսպանատների հետ, թե՛ այն երկրների հետ, որտեղ տեսնում են մեծ պոտենցիալ։

«Մենք աշխատում ենք արտգործնախարարության և դեսպանատների հետ, որ տնտեսական օրակարգը ընդհանուր իրենց աշխատանքի մեջ մեծանա։ Կան դեսպանատներ, որտեղ աշխատանքը շատ արդյունավետ է, իսկ կան դեսպանատներ, որտեղ ջանքերը պետք է կրկրնել»,- ասաց Քերոբյանը։

Սուքիասյանն ասաց․ «Ես ասում եմ՝ դուք ինչ պետք է անեք, քանի որ մասնավոր սեկտորը լավ գիտեմ»:

Մանրամասները՝ տեսանյութում