Լեռնային գոտիներում սպասվում է բուք. եղանակը ՀՀ-ում

Հայաստանի Հանրապետության տարածքում դեկտեմբերի 18-ի գիշերն առանձին շրջաններում սպասվում են տեղումներ, լեռնային և նախալեռնային շրջաններում՝ ձյուն, 18-ի առավոտյան ճանապարհներին՝ մերկասառույց։ Դեկտեմբերի 18-ի ցերեկը, 19-22-ին սպասվում է առանց տեղումների եղանակ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Քամին հյուսիսարևմտյան է, 3-6 մ/վ արագությամբ, լեռնային գոտիներում սպասվում է բուք։ Օդի ջերմաստիճանը դեկտեմբերի 17-ի ցերեկը կնվազի՝ 3-5, 18-19-ի գիշերը ևս 7-10 աստիճանով։

Երևան քաղաքում դեկտեմբերի 18-22-ին սպասվում է առանց տեղումների եղանակ։

Նշենք, որ Շիրակում, Լոռիում, Տավուշի նախալեռներում, Արագածոտնում, Կոտայքում, Գեղարքունիքում և Երևանի բարձրադիր գոտում, Վայոց Ձորում և Սյունիքում դեկտեմբերի 17-ի լույս 18-ի գիշերը գրանցվելեն ձյան տեղումներ, առանձին հատվածներում եղել է բուք, ճանապարհներին` մերկասառույց։