Էրդողանը հեռախոսազրույց է ունեցել Բայդենի հետ․ հայտնի է, թե ինչ են քննարկել
Թուրքական կողմի նախաձեռնությամբ՝ Թուրքիայի նախագահ Ռեջեփ Էրդողանն ու ԱՄՆ նախագահ Ջո Բայդենը հեռախոսազրույց են ունեցել։
Կողմերը քննարկել են Գազայում տիրող իրավիճակը, ՆԱՏՕ-ին Շվեդիայի անդամակցությունը և Ֆ-16 կործանիչների գնման հարցը:
Էրդողանը Բայդենի հետ զրույցում, մասնավորապես, նշել է․
«Գազայում մարդկային ողբերգությունը պետք է դադարեցվի․ եթե ԱՄՆ-ն հրաժարվի Իսրայելին անվերապահ աջակցել, արագ հրադադար կհաստատվի։ Տարածաշրջանում մշտական հրադադարի ապահովումը ԱՄՆ-ի պատմական պարտականությունն է։
Իսրայելական հարձակումների խորացումն ու ձգձգումը կարող են բացասական տարածաշրջանային և գլոբալ հետևանքներ ունենալ»։
