Ադրբեջանը մարդասիրական օգնություն է ուղարկել Ուկրաինա
Ադրբեջանը հերթական մարդասիրական օգնությունն է ուղարկել Ուկրաինային։ Այս մասին հայտնել են Ադրբեջանի էներգետիկայի նախարարությունից։ Տեղեկությունը փոխանցում են ադրբեջանական լրատվամիջոցները։
Նշվում է, որ ուկրաինացի ժողովրդին մարդասիրական օգնություն ցուցաբերելու համար նախատեսված էլեկտրատեխնիկայի հերթական խմբաքանակն են ուղարկվել։
20 բեռնատարների շարասյունով ուղարկված մարդասիրական օգնությունը ներառում է ավելի քան 551 հազար մետր էլեկտրական մալուխներ և լարեր, ինչպես նաև 6 ամբողջական տրանսֆորմատորային ենթակայան։
Ադրբեջանն ընդհանուր 7,6 միլիոն դոլարի օգնություն է ուղարկել Ուկրաինա այս տարվա հոկտեմբերի 30-ին և նոյեմբերի 21-ին։
