ԱՄՆ ղեկավարությունը Ռուսաստանն օգտագործում է որպես գործիք ներքին հարցերում. Պեսկով

ՌԴ նախագահ Վլադիմիր Պուտինի խոսնակ Դմիտրի Պեսկովն արձագանքել է ԱՄՆ նախագահ Ջո Բայդենի հայտարարությանն այն մասին, որ Ուկրաինայում հաղթելու պարագայում Ռուսաստանը մեծ սպառնալիք կդառնա ՆԱՏՕ-ի համար:

«Մենք ափսոսանք ենք հայտնում այն կապակցությամբ, որ ԱՄՆ ղեկավարությունը շարունակում է սովորության համաձայն Ռուսաստանն օգտագործել որպես գործիք ներքին հարցերում, ամեն կերպ փորձում է սատանայացնել մեր երկիրը և կոնգրեսականների ու սենատորների միջոցով հարկատուների փողը ծախսել ուկրաինական պատերազմում»,- ասել է Պեսկովը:

Վերջինիս պնդմամբ՝ եթե Վաշինգտոնը դադարեցնի աջակցությունը Կիևին, ապա նույնը կանեն արևմտյան մյուս բոլոր երկրները: