ՀԱՊԿ նիստից հայկական կողմի բացակայությունը չի ազդի ՀՕՊ միասնական համակարգ ստեղծելու որոշման վրա. ՌԴ ԱԳ փոխնախարար
ՀԱՊԿ նիստից հայկական պատվիրակության բացակայությունը չի ազդի հակաօդային պաշտպանության միասնական համակարգ ստեղծելու որոշման վրա։ Այս մասին լրագրողներին ասել է ՌԴ արտաքին գործերի փոխնախարար Ալեքսանդր Պանկինը։
«Նրանց ֆիզիկական բացակայությունը մեծապես չի արգելակում այլ անդամ երկրների կողմից հավաքական փաստաթղթերի ընդունման համաձայնեցման գործընթացները, որոնց նրանք շատ դեպքերում միանում են», - ասում են Ռուսաստանից
Հիշեցնենք՝ Հայաստանի ազգային ժողովի նախագահ Ալեն Սիմոնյանը պաշտոնական նամակով հաստատել է, որ չի մասնակցի Մոսկվայում կայանալիք ՀԱՊԿ խորհրդարանական վեհաժողովի խորհրդի արտագնա նիստին եւ 16-րդ լիագումար նիստին:
ՀԱՊԿ-ի շրջանակներում կազմակերպված միջոցառումներին վերջերս չեն մասնակցել նաև ՀՀ վարչապետը, ԱԳ նախարարը, պաշտպանության նախարարն ու ԱԽ քարտուղարը:
