Այս պահին հիմնականում մեքենաները անցնում են Լարսի անցակետով. Վահան Քերոբյան

Այս պահին հիմնականում մեքենաները անցնում են Լարսի անցակետով, պետք է նշել, որ խնդիրները առաջացել են ուժեղացված վերահսկողության կամ հսկողության արդյունքում:

Այս մասին այսօր Ազգային ժողով-Կառավարություն հարցուպատասխանի ժամանակ ասել է ՀՀ Էկոնոմիկայի նախարար Վահան Քերոբյանը:

«Այդ իրավիճակից հետո մենք խնդիրների վերաբերյալ մի քանի մակարդակներում նախաձեռնել ենք քննարկում, թե ինչպես կարող ենք այդ խնդիրների լուծման վերաբերյալ աշխատել, և կարող եմ ասել, որ անցած ուրբաթ օրվանից հետո մեքենաների թողունակությունը կամ անցնելը վերականգնվեց»,- ասել է նա:

Քերոբյանը կարևորրեց այն, որ Հայաստանում արտադրված ապրանքները պետք է լինեն բարձրակարգ, ոչ միայն, որպեսզի հասանելիությունը այլ շուկաներում լինի ավելի մեծ և ավելի լավ գնով, այլ նաև մեր հանրության համար: