Էրդողանը կարծում է, որ Նեթանյահուն պետք է դատվի որպես ռազմական հանցագործ

Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելի վարչապետ Բենիամին Նեթանյահուն պետք է դատվի Միջազգային քրեական դատարանում որպես ռազմական հանցագործ Գազայի հատվածում իր գործողությունների համար։

«Նեթանյահուն դատարանի առաջ կկանգնի ոչ միայն որպես ռազմական հանցագործ, այլ նաև որպես Գազայի դահիճ, ինչպես Միլոշևիչը», – ասել է Թուրքիայի նախագահը Անկարայում ելույթի ժամանակ։

Թուրքիայի նախագահը նաև մեղադրել է արևմտյան երկրներին Գազայի հատվածում «երեխաների սպանության հարցում Իսրայելին անվերապահ աջակցություն» ցուցաբերելու մեջ։