Իսրայելը զորքերը տեղափոխում Գազայի հատվածի հարավ․ AFP

Իսրայելն ընդլայնում է իր ցամաքային գործողությունը և զորքերը տեղափոխում Գազայի հատվածի հարավ: Այս մասին ԶԼՄ-ների փոխանցմամբ՝ հայտնում է AFP-ն։

Գործակալությունը գրում է, որ Իսրայելի պաշտպանության բանակի տանկերը, զրահափոխադրիչները և բուլդոզերները խորացել են Խան Յունիս շրջանում գտնվող անկլավի մեջ և հասել մայրուղու, որն անցնում է ամբողջ հատվածով՝ միացնելով նրա հյուսիսային և հարավային մասերը։

Սա նշանակում է, որ բացի Գազայի հատվածի հյուսիսից, ռազմական գործողություններ են ընթանում նաև հարավում։ Իսրայելի պաշտպանության բանակը պաղեստինցիներին հորդորել է շարժվել դեպի է՛լ ավելի հարավ։

Նշենք, որ պաղեստինյան ՀԱՄԱՍ արմատական շարժման մարտական թևը՝ «Ալ Քասամի բրիգադները», իր հերթին հայտարարել է, որ հրթիռներով հարվածել է Իսրայելի՝ բնակչության քանակով երկրորդ քաղաք Թել Ավիվին։  Ավելի վաղ Իսրայելի պաշտպանության բանակն իր Telegram ալիքում հայտնել էր, որ Աշկելոն քաղաքում շչակներ են հնչել։