Էրդողանը կոչ է արել Նեթանյահուին դատել
Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելի վարչապետ Բենիամին Նեթանյահուն պետք է դատվի Միջազգային քրեական դատարանում (ՄՔԴ): Այս մասին գրում է ՏԱՍՍ-ը։
Նա Իսրայելի վարչապետին անվանել է «Գազայի դահիճ» և վստահեցրել, որ իրեն սպասում է Հարավսլավիայի նախկին նախագահ Սլոբոդան Միլոշևիչի ճակատագիրը։
Էրդողանը նաև ասել է, որ Գազան պաղեստինյան հող է և պատկանում է պաղեստինցիներին։ Նրա խոսքով՝ պաշտպանել Գազան և Պաղեստինը նշանակում է պաշտպանել Մեքքան, Մեդինան և Ստամբուլը։
«Եթե մենք սպասենք, մինչև կրակը, ցավն ու լացը հասնեն մեր տուն, ապա մի օր այս կրակը կհասնի մեր տուն»,- զգուշացրել է Էրդողանը։
