«Մեյմանդարի» շուկա տանող ճանապարհի վրա գտնվող կամուրջը փլուզվել է
Auroranews-ը բազմաթիվ զանգեր է ստանում, որ Մասիսից դեպի՝ Հայանիստի խաչմերուկից «Մեյմանդար» կոչվող գյուղմթերքի շուկա տանող ճանապարհի վրա գտնվող կամուրջն է փլուզվել:
Փլուզումն այսօր է տեղի ունեցել, դեպքի մասին վարորդները տեղեկացված չեն: Հենց այդ պատճառով էլ ճանապարհի այդ հատվածում մեքենաների կուտակումներ են առաջացել:
Auroranews-ը կապ հաստատեց Արարատի մարզպետարանի աշխատակցի հետ, ով ասաց, որ այս րոպեներին հրատապ կարգով աշխատանքներ են իրականացվում խնդրի լուծման համար: Մարզպետարանից նշեցին, որ կառավարությունը և ՏԿԵ-ը տեղեկացված են:
