Վենսը` Սպիտակ տանը Զելենսկիի հետ վիճաբանության մասին

ԱՄՆ փոխնախագահ Ջեյմս Դեյվիդ Վենսը հայտնել է, որ Սպիտակ տանը Վլադիմիր Զելենսկիի հետ վիճաբանությունը սկսեց, երբ նա զգաց, որ Զելենսկին իրեն անքաղաքավարի է պահում։ Քաղաքական գործիչն այս մասին հայտնել է The New York Post-ին տված հարցազրույցում։

Ըստ Վենսի՝ փետրվարի 28-ին Զելենսկիի հետ վեճը «հավանաբար ամենահայտնի բանն էր, որ նա երբևէ արել է»։

ԱՄՆ փոխնախագահը նաև նշել է, որը դրանից պետք է դաս քաղեն Սպիտակ տուն այցելող օտարերկրյա առաջնորդները. «փորձեք հարգել այն տան կանոնները, որտեղ դուք գտնվում եք»։

Վենսը նաև հավելել է, որ Զելենսկին այդ ժամանակվանից ի վեր սկսել է շատ ավելի հարգալից վարվել ամերիկյան ղեկավարության հետ, և որ ԱՄՆ-Ուկրաինա հարաբերությունները դարձել են շատ ավելի արդյունավետ։