ԱՄՆ-ից հայտնել են, որ Բայդենը Պուտինին ավելի ուժեղ է դարձրել
ԱՄՆ նախագահ Ջո Բայդենը նպաստել է իր ռուս գործընկեր Վլադիմիր Պուտինի ամրապնդմանը։ Այս մասին Պենտագոնի ղեկավարի նախկին խորհրդական, գնդապետ Դուգլաս Մակգրեգորը խոսել է YouTube-ի Daniel Davis / Deep Dive ալիքին տված հարցազրույցում։
Մակգրեգորն ասել է, որ Բայդենի վարչակազմի քաղաքականությունը թույլ է տվել Պուտինին դառնալ ավելի ուժեղ, քան երբևէ:
«Ռուսական տնտեսությունը փայլուն է գործում, շատ ավելի լավ, քան արևմտյանները»,- նշել է նա։
Նա հավելել է, որ արեւմտյան երկրները պետք է վերջ տան հակամարտությունը Ուկրաինայում, որպեսզի փրկեն այն, ինչ մնացել է ուկրաինացիներից։ Սակայն նա հավելել է, որ ԱՄՆ իշխանությունները չեն ընդունում իրենց մեղքը կատարվածում։
Մինչ այս Ուկրաինայի նախագահ Վլադիմիր Զելենսկին հայտարարել էր, որ անհանգստացած է Ուկրաինայի՝ համաշխարհային հանրության «ուշադրության կենտրոնից» դուրս մնալով։
Նրա խոսքով՝ միջազգային հանրության ուշադրության կենտրոնում Գազայի հատվածում պաղեստինյան ՀԱՄԱՍ խմբավորման և Իսրայելի միջև պատերազմն է։
