Բուլղարիան պարզաբանել է՝ ինչու է բացել իր օդային տարածքը Լավրովի ինքնաթիռի համար
Բուլղարիան բացատրել է, թե ինչու է բացել իր օդային տարածքը Ռուսաստանի արտգործնախարար Սերգեյ Լավրովի ինքնաթիռի համար։
Բուլղարիայի արտաքին գործերի նախարար Մարիա Գաբրիելը հայտարարել է, որ Ռուսաստանի արտգործնախարար Սերգեյ Լավրովի ինքնաթիռի թույլտվությունը բալկանյան երկրի օդային տարածքով դեպի Հյուսիսային Մակեդոնիա՝ ԵԱՀԿ գագաթնաժողովի համար, պայմանավորված է այս հանդիպման կարևորությամբ։
«Որոշում է կայացվել օդային տարածքը բացել ռուսական պատվիրակության համար, որը պետք է գա Սկոպյե, քանի որ դուք գիտեք, թե որքան կարևոր է Սկոպյեի այս հանդիպումը ԵԱՀԿ-ի պահպանման համար», - ասել է նա ՆԱՏՕ-ի նախարարների խորհրդի շրջանակներում։
Ավելի վաղ հայտնի էր դարձել, որ Հյուսիսային Մակեդոնիան՝ ԵԱՀԿ ԱԳ նախարարների հանդիպմանը Սերգեյ Լավրովի այցի դեպքում թույլ կտա Ռուսաստանից ինքնաթիռներին երկիր ժամանել երեք օրվա ընթացքում։
Նոյեմբերի 30-ից դեկտեմբերի 1-ը Սկոպիեում տեղի կունենա ԵԱՀԿ երկրների արտգործնախարարների մակարդակով հանդիպումը։
