Ռեկորդային ցուցանիշ․ Ուկրաինան՝ գիշերվա ընթացքում 75 կամիկաձե ԱԹՍ-ներով ՌԴ-ի հարձակման մասին
Ուկրաինայի ռազմաօդային նշել են ռեկորդային ցուցանիշ՝ մեկ գիշերվա ընթացքում 75 կամիկաձե անօդաչու թռչող սարք: Այս մասին հայտնում է BBC ռուսական ծառայույությունը
Ուկրաինայի ռազմաօդային ուժերը հաղորդել է, որ Ռուսաստանը շաբաթ գիշերը հարձակվել է Ուկրաինայի վրա ռեկորդային թվով գրոհային անօդաչու սարքերով։ Նրանք պնդում են, որ «Շահեդ-131/136» տիպի մոտ 75 գրոհային անօդաչու թռչող սարքեր օգտագործվել են Ուկրաինայի վրա զանգվածային հարձակման համար, 71 անօդաչու թռչող սարք ոչնչացվել է հակաօդային պաշտպանության միջոցով։
BBC-ի փոխանցմամբ Ռուսական կողմը չի մեկնաբանել։
Հաղորդվում է, որ ռազմաօդային ուժերը չեն հստակեցրել, թե քանի անօդաչու թռչող սարք է խոցվել անմիջապես Կիևի վրա։ Հավելենք, որ քաղաքի ռազմական վարչակազմի խոսնակ Միխայիլ Շամանովի խոսքով, սա Կիևում անցած ամսվա ամենազանգվածային հարձակումն էր։ Քաղաքի վարչակազմը կարծում է, որ մայրաքաղաքի վրայով մոտ 50 անօդաչու թռչող սարք է խոցվել։
Հայտնի է, որ Ուկրաինայի մայրաքաղաքում օդային հարձակման նախազգուշացումը տևել է 6 ժամ 8 րոպե։
Հիշեցնենք՝ ավելի վաղ հայտնել էինք, որ Ռուսաստանը զանգվածային հարվածներ է հասցրել Ուկրաինային և Կիևը դարձել է հարձակման հիմնական ուղղությունը։
