Քանի երեխայի է պատրաստվում ազատ արձակել ՀԱՄԱՍ-ը․ ԶԼՄ

13 պատանդներից ութը, որոնց շաբաթ օրը պետք է ազատ արձակի պաղեստինյան ՀԱՄԱՍ շարժումը, երեխաներ են, գրում է իսրայելական Ynet պորտալը։

«ՀԱՄԱՍ-ը հենց երեկ երեկոյան ժամը 22:00-ի սահմաններում ներկայացրել է իսրայելցի առևանգվածների ցուցակը, ովքեր այսօր պետք է ազատ արձակվեն գերությունից։ Ազատ արձակվելիք 13 հոգանոց ցուցակում ութը երեխաներ են։ Ենթադրվում է, որ ազատ արձակումը տեղի կունենա կեսօրից հետո»,- ասվում է հրապարակման մեջ։

Նոյեմբերի 24-ի առավոտյան ուժի մեջ է մտել իսրայելական բանակի և Գազայի հատվածում իշխող պաղեստինյան ՀԱՄԱՍ շարժման միջև քառօրյա զինադադարը։ Սպասվում է, որ այս ընթացքում 50 իսրայելցի պատանդներ կփոխանակվեն 150 պաղեստինցի գերիների հետ։