Հասարակություն

Փաշինյանը՝ Երևանում ասֆալտի որակի հետ կապված բողոքների մասին

Փաշինյանը՝ Երևանում ասֆալտի որակի հետ կապված բողոքների մասին
Այսօր՝ նոյեմբերի 24-ին, ուղիղ եթերում քաղաքացիների տեսահարցերին պատասխանելու ժամանակ վարչապետ Նիկոլ Փաշինյանն՝ անդրադառնալով Երևանի փողոցներում ասֆալտի որակի հետ կապված  բողոքներին, ասաց․…

Այսօր՝ նոյեմբերի 24-ին, ուղիղ եթերում քաղաքացիների տեսահարցերին պատասխանելու ժամանակ վարչապետ Նիկոլ Փաշինյանն՝ անդրադառնալով Երևանի փողոցներում ասֆալտի որակի հետ կապված  բողոքներին, ասաց․ «Միանշանակ կիսում եմ ձեր մտահոգություն և խնդիր եմ առաջադրել Երևանի քաղաքապետարանին, քաղաքապետին, որ պետք է շատ սկզբունքային լինել ասֆալտի որակի հարցերում»: 


«Մի քանի այդպիսի բողոքներ եմ տեսել, նաև քաղաքապետարանի  մեր գործընկերների հետ զրույցներ եմ ունեցել, քննարկել ենք այդ հարցը: Նրանց պարզաբանմամբ, խնդիրները կարող են լինել այն պարագայում, երբ իրականացվում է հրատապ ինչ-որ գործողություն: Օրինակ, շատ դեպքերում ջրագծերը, կոյուղագծերը, էլեկտրագծերը փոխարինելու, վթարները վերացնելու համար քանդվում է ասֆալտը, որն իրականացնում է ոչ թե Երևանի քաղաքապետարանը, այլ տարբեր այլ ընկերություններ: Երևանի քաղաքապետարանի գործընկերների դիտարկմամբ՝ որակի հետ կապված հիմնական խնդիրներն այս հատվածում են տեղի ունենում»,-ասաց նա:


Փաշինյանը հավելեց, որ եթե նույնիսկ քաղաքապետարանի կամ կառավարության ծրագրերում են անորակ աշխատանքներ պատահում, իրենք դրա համար չեն վճարում.«Պետք է երաշխիքներ ստեղծվեն, որ որակյալ աշխատանքի համար են միայն վճարում: Պետք է այդ որակը ստուգելու կոնկրետ չափանիշներ լինեն»,-ասաց նա:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7420) Միջազգային (3242) ԱՄՆ (2283) Ռուսաստան (2099) Իրան (1736) Ընտրություններ (1272) Ուկրաինա (823) Երևան (797) Իսրայել (759) Ադրբեջան (621) Փաշինյան (560) Եվրոպա (510) Ընդդիմություն (437) Թրամփ (429) Ազգային ժողով (411)

Radio Aurora

Լսել Radio Aurora

Գովազդային տարածք

300x250