Երբ Հայաստանում կսկսի գործել YouTube-ի մոնետիզացիայի համակարգը. Փաշինյան
Բարձր տեխնոլոգիական արդյունաբերության նախարարությունը մեզ խոստանում է, որ 2024-ի առաջին կիսամյակից այդ համակարգը կսկսի գործել: Այս մասին այսօր Հանրայինի եթերում քաղաքացիների տեսահարցերին պատասխանելու ժամանակ նշել է վարչապետ Նիկոլ Փաշինյանը՝ խոսելով Հայաստանում YouTube–ի մոնետիզացիան միացնելու ժամկետներից:
«Ես շատ կարեւոր եմ համարում այս հարցը, այդ թվում մտավոր և ստեղծագործական աշխատանքը Հայաստանում խթանելու համար... Ես ուզում եմ, որ Հայաստանում դասերը, դասախոսությունները յութուբյան հարթակներում ավելի ու ավելի շատ լինեն, որովհետեւ դա կարեւոր է կրթական ցենզը հանրության շրջանում բարձրացնելու և նաև մտքի ոլորտի մեր դասախոսների, գիտնականների համար եկամտի լրացուցիչ աղբյուրներ ձևավորելու համար»,-ասել է նա:
«Դասախոսություններ կան,
որ տասնյակ միլիոններով դիտումներ ունեն»,-ասել է Նիկոլ Փաշինյանը՝ հավելելով, որ ինքն էլ յութուբյան դասախոսություններ լսելու նախասիրություն ունի:
