«Փող չունես` ոտքով քայլիր». պատգամավոր Կոլեսնիկովը կոչ է արել թանկացնել տրանսպորտի ուղեվարձը
Եկատերինբուրգի պատգամավորը հասարակական տրանսպորտով երթևեկելու համար փող չունեցողներին խորհուրդ է տվել «ոտքով քայլել»: Այս մասին հայտարարել է Եկատերինբուրգի քաղաքային դումայի պատգամավոր Ալեքսանդր Կոլեսնիկովը:
Կոլեսնիկովը քննադատել է քաղաքապետարանին, քանի որ իշխանությունները չեն ցանկանում թանկացնել ուղևորների համար նախատեսված հասարակական տրանսպորտի գները։
Պատգամավորի կարծիքով՝ «տրանսպորտային ոլորտն այլ կերպ չի գոյատևի», իսկ «տոմսը պետք է գումար արժենա»։
«Ասում եք՝ ինչո՞ւ վարորդներ չկան: Պետք չէ մտածել ինչու, պետք է նորմալ բարձրացնել նրանց աշխատավարձերը։ Իսկ աշխատավարձն ինչից է գոյանում` տոմսի արժեքից։ Ես հասկանում եմ, որ ոչ պոպուլյար բաներ եմ ասում, բայց կապիտալիզմի պայմաններում տնտեսությունն այլ կերպ չի աշխատում»,- կարծում է պատգամավորը։
